მესტიის მუნიციპალიტეტის საკრებულოს საკონფერენციო დარბაზში, მაკლეინის ასოციაცია ბავშვებისათვის (Mclain Association children) და საქართველოს სახალხო დამცველის ორგანიზებით, შეზღუდული შესაძლებლობების მქონე პირთა უფლებების დეპარტამენტის წარმომადგენლებმა ნინო ვალიკოვმა და ლიკა ბაციკაძემ მუნიციპალიტეტის ბაგა-ბაღების გაერთიანების თანამშრომლებთან, სოციალური სამსახურების უფროსებთან და  ადგილობრივ მოსახლეობასთან  საინფორმაციო სახის შეხვედრა ჩაატარეს- თემაზე „ინფორმირებული საზოგადოება შეზღუდული შესაძლებლობების მქონე ბავშვთა უფლებების დასაცავად“. შეხვედრაზე დეპარტამენტის წარმომადგენლებმა დამსწრე საზოგადოებას სახალხო დამცველის მანდატი და შეზღუდული შესაძლებლობის მქონე პირთა უფლებების შესახებ გაეროს კონვენცია გააცნეს და მიმოიხილეს დოკუმენტის დანერგვაზე პასუხისმგებელი ორგანო და მისი განხორციელების მონიტორინგის მექანიზმი, ასევე ინკლუზიური განათლების მიზანზე და შშმ ბავშვთა უფლებებზე. შეხვედრა რამდენიმე საათი კითხვა პასუხის რეჟიმში მიმდინარეობდა.